Қазақстан U-19 жасөспірімдер құрамасы Қырғызстан жастарымен тең түсті

26 наурыз 2022, 22:15

Фото: Никита Басов

Алматыда оқу-жаттығу жиынын өткізіп жатқан 19 жасқа дейінгі Қазақстан жасөспірімдер құрамасы Қырғызстан жастарымен жолдастық матч өткізді.

«Жас Қыран» стадионында өткен ойында есеп ашылмай, екі тарап тең тарқасты – 0:0.

Қазақстан U-19 жасөспірімдер құрамасының аға бапкері Вахид Масудов негізгі құрамға келесі футболшыларды шығарды: Мирас Рихард, қорғаушылар Рамазан Кәрімов, Сергей Иванов, Сұлтан Асқаров, Аслан Ахмедов, Мирас Оматай (к), Саламат Жұмабеков, Әмір Темірғали, Мағжан Тоқтыбай, Әліби Мұхит, Мұқағали Пангерей.

19 жасқа дейінгі Қазақстан жасөспірімдер құрамасы келесі жолдастық ойынын 29 наурыз күні «Жас Қыран» командасына қарсы өткізеді. Матч «Жас Қыран» стадионында 11:00-де басталады.