Магомед Адиев: «Мүмкіндігімізді таба аламыз деген сезім болды»

– Жігіттер Қазақстанға қуаныш сыйлағысы келеді, сондықтан белгілі бір қысым мен тежеу бар. Біз гол жіберіп алған кезде мен бірінші таймда ешқандай өзгеріс енгізбедім. Ең алдымен өзімізге ашу пайда болды. Бұл біз үшін ойынның шешуші сәті. Қарсылас та азырақ белсенді бола бастаған сияқты. Мүмкін, біз олардың белсенділігін басып тастадық. Бұл кездесуде жеңіске жетуімізге ішкі резервтеріміз көмектескен де шығар.

Зуевпен мен шабуыл әлеуетін арттырғым келді. Ол жаттығуда өзін жақсы көрсетті. Бірақ біз гол соғып, есепті теңестіргенде, бұл, мүмкін, негізсіз тәуекел болар еді. Гол соққаннан кейін біз қосымша эмоцияларды сезіндік. Алаңға ауысып кірген футболшылар ойынға күш қосты, бізде мүмкіндіктер пайда бола бастады. Басқа шабуылдаушы ойыншыны қосудың мәнін көрмедім. Біз өз сәтімізді таба аламыз және Зуевті шығару арқылы қорғанысымыз ашылып қалады деген сезім болды. Сондықтан мен барлығын сол күйінде қалдырдым, бірақ алаңда көбірек қимыл болуы үшін жаңа ойыншыларды қостым. Жоспар сондай болды. Және ол біз үшін сәтті аяқталды.

Финляндия - лайықты команда. Мықты қарсылас. Оған қоса біз де, Финляндия да бұл жеңістің бағасын түсіндік. Кім ұтылатын болса, Еуроға шығу мүмкіндігінен айырылады. Сондықтан жанкүйерлердің толық трибунасы мен тамаша қолдауымен команда алға қарай өрлейді деген сезім мен түсінік болды. Біз сабырлырақ ойнауымыз керек еді, бірақ олар бізді қыспаққа алды. Алайда кейін біз де есе қайтардық. Олардың ойынды белсенді түрде бастауы бізді еш таң қалдырмады.