Қазақстан әйелдер құрамасы Румыния және Болгариямен болатын ойындарға дайындықты бастады

04 шілде 2024, 18:00

Фото: ҚФФ | Әлихан Сариев

Бесағаштағы «Қайрат» футбол клубының базасында Қазақстан әйелдер құрамасының Еуро-2025 іріктеу кезеңіндегі қорытынды матчтарға арналған оқу-жаттығу жиыны өтіп жатыр.

Шілде айында біздің қыздар Еуро-2025 іріктеу кезеңі аясында екі матч өткізеді: 12 шілдеде Алматыда Румынияны қабылдасақ, артынша 16 шілде күні сырт алаңда Болгариямен ойнаймыз.

Румынияға қарсы ойын Алматының «Орталық» стадионында өтеді. Басталу уақыты – 19:00-де. Төрт күннен кейін Мадияр Кембілов шәкірттері Болгариямен София қаласындағы «Славия» стадионын кездеседі. Ойынның басталуына сағат 22:00-ге жоспарланған.

Қазақстан әйелдер құрамасының бас бапкері Мадияр Кембілов оқу-жаттығу жиынына шақырылған футболшылардың кеңейтілген тізімін жариялады.

«OLIMPBET» букмекерлік кеңсесі – футболдан Қазақстан әйелдер құрамасының бас серіктесі

«Самұрық-Қазына» Ұлттық әл-ауқат қоры – Қазақстан әйелдер футбол командасының бас серіктесі

«Sport Qory» спортты қолдау қоры Қазақстан құрама командаларының серіктесі