Қазақстан – Аустрия ойыны қарсаңында жанкүйерлерге арналған іс-шаралар

14 қараша 2024, 12:49

Бүгін, 14 қараша күні Қазақстан ұлттық құрамасы УЕФА Ұлттар лигасының бесінші турында Аустрия командасымен кездеседі.

Қазақстан футбол федерациясы оңтүстік астананың тұрғындары мен қонақтарын стадионға ертерек келуге шақырады. Жанкүйерлерді Қазақстан құрамасының бас демеушісі Олимпбет БК ұсынған іс-шаралар күтеді.

Орталық стадионда ойынға дейін өтетін ойын-сауықтар:

- Мерч-дүкендерінен Қазақстан құрамасының жанкүйерлік атрибутикасын сатып алу.
- Футбол сырғанағы.
- Футгольф ойыны.
- Сабсоккер ойыны - үстел басында отырып футбол ойнау.
- Панна-футболда бір-бірімен күш сынасу.
- Футбол маятнигімен жаттығу жасау.
- Корнхолл ойыны - қиғаш тақтадағы тесікке жүгері салынған қапшықты лақтыру.

Қазақстан – Аустрия матчы 20:00-де басталады, бірақ стадионға 18:00-де келуді ұсынамыз. Матчқа билеттерді Ticketon.kz сайтынан сатып алуға болады, олардың бағасы орынға байланысты 3000-нан 12000 теңгеге дейін.