Давид Лория ҚФФ президенті сайлауына қатысудан бас тартты

19 желтоқсан 2024, 17:06

2024 жылдың 19 желтоқсанында Қазақстан футбол федерациясының Сайлау комитетіне «Қарағанды облыстық футбол қауымдастығы» ЗТБ өкілі Давид Григорьевич Лориядан ҚФФ президенті лауазымына үміткерліктен қатысудан өз еркімен бас тартуы туралы өтініш келіп түсті.

Осы өтініш негізінде ҚФФ Сайлау комитеті Давид Лорияны федерация президенті лауазымына үміткерлер тізімінен шығарды.

Осылайша, ҚФФ президенттігіне үміткерлердің түпкілікті тізімі келесідей:

Даумов Алтай Алмасұлы – «Алматы облысының футбол қауымдастығы» ЗТБ атынан.
Қайыров Ербол Қыдырбекұлы – «Ақмола облыстық футбол қауымдастығы» ЗТБ атынан.
Омаров Марат Талғатұлы – «Астана қаласы футбол федерациясы қауымдастығы» ЗТБ атынан.

ҚФФ-ның кезектен тыс XXVII Сайлау конференциясы 2024 жылдың 20 желтоқсанында өтеді.