Футбол және хоккей федерацияларының қызметкерлері бас қосты
Қазақстан хоккей федерациясынан кездесуге спорт директоры Алексей Мамонтов пен атқарушы директор Андрей Сачук қатысты.
Қазақстан футбол федерациясынан Техникалық орталық директоры Иван Азовский мен бұқаралық, балалар-жасөспірімдер және әйелдер футболы департаментінің директоры Ерлан Жамантаев, сонымен қатар сала мамандары Әсет Базеков, Никита Утробин, Қуаныш Бақытбеков және Қуандық Ермекбаев қатысты.
«Қазақстан хоккей федерациясының өкілдері балалар мен жасөспірімдер футболының инфрақұрылымымен танысты. Олар футбол клубтары мен академияларды сертификациядан өткізу, бапкерлерге білім беру және ойыншылардың транфсер тәртібі қызықтырды. Қазақстан футбол федерациясының лицензиялау және аттестациялау департаменті мен Қазақстан кәсіпқой футбол лигасының мамандары да серіктестік танытты. Ұжымдардың ынтымақтастығы әлем спортының басым бағыттарының бірі болып қала бермек. Әріптестерге қолдау көрсетуге тырысамыз», - дейді Қазақстан футбол федерациясының Техникалық орталығының директоры Иван Азовский.
«Біз үшін қазақстандық футболдағы ойыншылардың алмасуы кезеңіндегі өтемақы механизмдері қызықты болды. Сонымен қатар, бапкерлерді сертификациядан өткізу, спорт ғимараттары мен әртүрлі клубтың құрылымдарын лицензиялау тәжірибесімен алмасамыз. Олардың арасында балалар мектебі де бар. Пайдалы тақырыптарды қозғай білген әріптестерге алғыс айтамын. Ынтымақтастық қарым-қатынасты нығайту жолында жұмысты жалғастыра береміз», - дейді Қазақстан хоккей федерациясының спорт директоры Алексей Мамонтов.
