Маргарита Талдыкина: Жеңіске жетуге барымызды саламыз
– Матч өз алаңымызда өтетіні бізге қосымша сенімділік береді. Команданың атмосферасы керемет. Бәрі бір-біріне қолдау көрсетеді.
– Алдағы ойыннан не күтесіз?
– Өте қызықты ойын болмақ. Қарсыламыздың ойындарын қарап, зерттеу жүргіздік. Сырттағы ойындағы қателіктерімізді қарап, қатемен жұмыс жасадық. Алдағы уақытта өзімізге тиесілі ұпайды алуға тырысамыз.
– Румынияны зерттедіңіздер ме?
– Қарсыласымыз топта жеңіліссіз серияда келе жатыр. Бұл ойыншыларының дайындығы жоғары деңгейде екенін көрсетеді.
– Румыниядағы ойында жеңіліс таптық. Қателікпен жұмыс жасалды ма?
– Румынияға қарсы матчтан кейін 3 ұпай ала алмағанымыз бәріміздің көңіліміз түсіп, бойымызды өкініш кернеді. Десе де ештеңе қарамай дайындығымызды өткіздік. Бәріміз ойында жеңіске жетуге барымызды салып, алаңда 100% күшімізді көрсетеміз.
