Футзалдан Қазақстан 19 жасқа дейінгі жастар құрамасы жолдастық матчта Қырғызстанды жеңді

Футзалдан Қазақстанның 19 жасқа дейінгі жастар құрамасы Түркістанда өтіп жатқан оқу-жаттығу жиыны аясында Қырғызстан құрамасымен жолдастық матч өткізді.

Ойын Түркістандағы Олимпиада орталығында өтіп, Рикардо Кака шәкірттерінің сенімді жеңісімен аяқталды – 2:0. Жастар құрамасы сапынан Нұрмұхаммед Исмайылов пен Заур Гайдаржи гол соқты.

Ертең, 25 қаңтарда қос құраманың екінші бақылау матчы өтеді. Басталуы – Астана уақытымен 17:00. Ойынды КФФ-ның YouTube-арнасынан тікелей эфирде көруге болады.

Қазақстан U-19 – Қырғызстан U-19 – 2:0 (1:0)

Голдар: Исмаилов 2, Гайдаржи 30.

Қазақстан U-19: Наурызбаев, Калачев (к), Исмаилов, Нышанов, Сейтнұр – Толеген, Тарасенко, Камалов, Хасен, Бүркітбаев, Тасболат, Гайдаржи, Исмаилов, Қазбеков, Тілеуберген;

Бас бапкер: Пауло Рикардо Кака.

Қырғызстан U-19: Азатов, Куватбек, Бабажанов, Болтобаев, Қытайбеков, Бейшеналиев, Абдумәжидов, Макеев, Салымбеков (к), Ташбалтаев, Мырзакерім, Мелисов, Ергашев, Сманов;

Бас бапкер: Руслан Гафуров.

24.01.2025. «Олимпиада орталығы», Түркістан