Футзалдан Қазақстан құрамасы өз алаңында Данияны жеңді

05 ақпан 2025, 21:40

Футзалдан Қазақстан ұлттық құрамасы 2026 жылғы Еуропа чемпионатының іріктеу кезеңі аясында өз алаңында Дания құрамасымен кездесті.

Кака шәкірттері сырттағы жеңілістен кейін даниялықтарды тізе бүктірді. Ойын Жақсылық Үшкемпіров атындағы жекпе-жек сарайында өтіп, Қазақстан құрамасының пайдасына 7:3 есебімен аяқталды.

Қазақстан құрамасының сапында Дуглас Жуниор, Ақжол Дарибай, Азат Вәлиуллин, Дамир Қайырбай, Дәурен Тұрсағұлов мергендігімен көзге түсті, сондай-ақ Дания ойыншысы Скотт-Расмуссен өз қақпасына автогол соқты.

Айта кету керек, 20 жастағы Дамир Қайырбай ұлттық құрама сапындағы алғашқы голын соқты.

Төрт турдан кейін Қазақстан құрамасы 7 ұпаймен екінші орында, көш басында Армения (10 ұпай) тұр.

Қазақстан – Дания – 7:3 (4:3)

Голдар: Расмуссен 1 (автогол), Дуглас 1, 7, Дәрібай 5, Валиуллин 27, Қайырбай 31, Тұрсағұлов 34 – Тұрсағұлов 2 (автогол), 10 (автогол), Касумович 5

Ескерту: Кнауб 37

Қызыл қағаз: Расмуссен 34

Қазақстан: Серіков, Дәрібай, Валиуллин, Лео, Дуглас – Сисенғалиев, Кнауб, Төреғазин, Сағындықов, Тұрсағұлов, Рашит, Карменов, Оразов (к), Қайырбай

Бас бапкер: Пауло Рикардо Кака

Дания: Рамс, М.Хансен, Йоссеф, Дагович, Расмуссен – Хенриксен, Муштак, Касумович, Фалк (к), О.Хансен, Йоргенсен, Соренсен, Гантжорн, Сванеборг

Бас бапкер: Николай Клейн Сааби

Бас төрешілер: Доминикас Норкус, Мантас Помекис, Ирмантас Капрашовас (бәрі – Литва)

06.02.2025, Астана, Жақсылық Үшкемпіров атындағы жекпе-жек сарайы. 3218 көрермен.