Бақытжан Пазылхайыр: «Жанкүйерлер сапалы футболды көруі үшін белсенді жұмыс істеп жатырмыз»
«Қазақстан футбол федерациясында қазір бірнеше негізгі бағыттар бойынша ауқымды реформалар жүргізілуде. Тарих көрсеткендей, кез келген реформа әрқашан қарсыластардың пікірімен бірге жүреді. Біз Ерлан Айтпайұлының еңбегі мен қазақстандық футболды дамытуға қосқан үлесін бағалаймыз, бірақ оның мәлімдемесі дұрыс емес деп санаймыз. Оның ҚФФ Президентіне айтқан жағымсыз сөздері оның жеке пікірі болып саналады және нақты фактілерді көрсетпейді.
17 ақпанда өткен баспасөз мәслихатында ҚФФ Президенті инфрақұрылымды дамытуға, балалар академияларын салуға, құрама командалармен жұмысты күшейтуге, сондай-ақ кәсіби футболдағы реформаларға бағытталған стратегиялық жобаларды жариялады.
Осы уақытқа дейін Қазақстан футбол федерациясы мен Қазақстан кәсіпқой футбол лигасы арасында жарысты ұйымдастыру бойынша келісімшарт болды. Алайда бұл ұйым, әсіресе қаржылық басқару және шығындардың ашықтығы мәселелерінде өзінің тиімсіздігін көрсетті.
Жақында кәсіби клуб өкілдерімен өткен жиналыста Ерлан Айтпайұлының өзі ҚКФЛ жұмысының ашық емес екенін атап өтіп, келісімшарттар жасаудағы қателіктерді көрсетіп, Федерация жүргізіп жатқан реформаларға толық келісімін білдірді. Неліктен ол бірнеше күн ішінде өз ойын өзгертті, біз үшін белгісіз.
Жоғарыда аталған сұхбаттың көптеген жеке мәлімдемелеріне қатысты, біз ҚФФ президентінің жеке кездесулері туралы ақпаратқа ие емеспіз және қоғамдық алаңда ішкі әңгімелерді талқыламаймыз. Қайталап айтамын, қазір біз ҚР чемпионаты жоғары деңгейде басталуы үшін күшейтілген режимде жұмыс істеп жатырмыз. Мысалы, қазақстандық Премьер-лиганың атауынан беттингтік компанияның атауы алынып тасталды, жаңа атрибутика өңірлер бойынша таратылды. Біздің бас назарымыз дайындықта, даулар мен сұхбаттарға уақыт жоқ.
Клубтар мен жанкүйерлер ішкі келіспеушіліктерді емес, сапалы футболды көргісі келеді және біз оны қамтамасыз етеміз.
Бұрын клубтардың жарналары 10% - ға төмендегені туралы хабарланған болатынбыз, ал болашақта біз бұл жарналарды толығымен жоюды жоспарлап отырмыз. Сондай-ақ, біз клубтардан логистиканы қамтамасыз ету, төрешілерді өз алаңындағы ойындарда қарсы алу және орналастыру бойынша қаржылық жүктемені алып тастадық.
Қысқа мерзім ішінде Дирекция көптеген оң пікірлер жинаған Қазақстан Республикасының Суперкубогын ұйымдастырып, чемпионатқа белсенді дайындығын жалғастыруда
Біз жанкүйерлер сапалы футболды көруі үшін белсенді жұмыс істеп жатырмыз».
